اكيد صعب اوى احساس الخيانه
و ياما انا اتكويت منها
بس الحمد لله اتعلمت ازاى اكوى من غير ما اتلسع
لسه كنت بقرأ بريد الجمعه
و لقيت فيها قصه فظيعه
عن راجل خان مراته اكتر من مره
اخر مره فيهم هيه اللى كان فيها العبره
علشان البنت اللى كان المفروض تجيله عملت حادثه
و اكتشفوا فى المستشفى ان عندها ايدز
مش عارفه ليه ساعتها بس فاق لنفسه
و حس ان ربنا كان كبير و ستر عليه و عافاه و هو العاصى لله
من المرض ده و انه ينقله لمراته
يمكن علشانها هيه مش علشانه هو ربنا نجاه
المهم انه فاق
و يارب الناس كلها تفوق قبل ما الفاس ما تقع فى الراس
و مش لازم تحصل معجزه او مصيبه علشان الناس تفوق لروحها و تتقى الله
مش محتاجه تعليق و بس
لكن كل اللى عنده عبره ياريت يحكيها لعلنا نتعظ
